لاتضن يل غبت ناسيك

لا تضن يل غبت ناسيك واصلا بالمشاعر ليش اجاملك
كابلت النخل بلكن عليه اتعود خطف لونه بصفنته وما خطف ضلك
وينك ما ترد مو عرك وجه الماي من كد ما اجيبن شمع واشعلك
حبيتك كبل من شحوا الحبوك ومن كثرت احبابك نستك خلك
تصعد للنجم مو بس ردتلك هاي رتدت انه النجم للكاع ينزلك
كلما تستلم حصه منام العين حصه من السهر لليل تعزلك
يل ما ميزت بين الورد والشوك ما مجبور اجيبن ورد واشتلك
ايد الزمتك لابد تهدك يوم وهم ارجع والزمك وابد ما حلك
شديتك نذر خيط بضريح امام ما عندي بخت يرجعلك يفلك
ارجو ان تنال اعجابكم